গুৱাহাটী: অসমৰ স্বাস্থ্যখণ্ডৰ বাবে এক গুৰুত্বপূৰ্ণ আৰু এটা ভাল খবৰ। প্ৰথমবাৰৰ বাবে গুৱাহাটী চিকিৎসা মহাবিদ্যালয় হাস্পতালত (GMCH) সম্পন্ন কৰা হ’ল লিভাৰ ট্ৰান্সপ্লাণ্ট অথৱা যকৃত সংৰোপণৰ অস্ত্ৰোপচাৰ। দীৰ্ঘ ১৬ ঘণ্টা ধৰি চলা এই জটিল অস্ত্ৰোপচাৰে ৰাজ্যখনৰ চিকিৎসা সেৱাৰ ক্ষেত্ৰত এক নতুন অধ্যায়ৰ সূচনা কৰিলে।
এই গুৰুত্বপূৰ্ণ তথ্য সংবাদমেলযোগে সদৰী কৰে অসমৰ স্বাস্থ্যমন্ত্ৰী অশোক সিংহলে। GMCHত প্ৰথমবাৰৰ বাবে সম্পন্ন হোৱা এই লিভাৰ ট্ৰান্সপ্লাণ্টৰ অস্ত্ৰোপচাৰ চিকিৎসা সেৱাৰ ক্ষেত্ৰত এক উল্লেখযোগ্য পদক্ষেপ বুলি সংবাদ মেলত উল্লেখ কৰে স্বাস্থ্যমন্ত্ৰী অশোক সিংহলে।
অন্ধ্ৰপ্ৰদেশৰ অভিজ্ঞ চিকিৎসক ডাঃ চেনথিল কুমাৰৰ নেতৃত্বত চিকিৎসকৰ এটা দলে এই জটিল অস্ত্ৰোপচাৰ সম্পন্ন কৰে। লিভাৰ ট্ৰান্সপ্লাণ্ট হৈছে অতি জটিল আৰু সময়সাপেক্ষ কৰা এটা চিকিৎসা পদ্ধতি। ইয়াৰ বাবে বিশেষজ্ঞ চিকিৎসকৰ লগতে উন্নত চিকিৎসা আন্তঃগাঁথনি, অত্যাধুনিক সঁজুলি আৰু সমন্বিত চিকিৎসা ব্যৱস্থাৰ প্ৰয়োজন হয়। এনে পৰিপ্ৰেক্ষিতত GMCH ত এই অস্ত্ৰোপচাৰ সম্পন্ন হোৱাটো অসমৰ চিকিৎসা ব্যৱস্থাৰ বাবে বিশেষ তাৎপৰ্যপূৰ্ণ বুলি বিবেচিত হৈছে।
সাধাৰণতে যকৃতৰ গুৰুতৰ ৰোগত আক্ৰান্ত ৰোগীৰ ক্ষেত্ৰত যকৃত প্ৰতিস্থাপনৰ প্ৰয়োজন হ’ব পাৰে। এনে চিকিৎসাৰ বাবে বহু ৰোগীয়ে উন্নত চিকিৎসা লাভৰ আশাত ৰাজ্যৰ বাহিৰলৈ যাবলগীয়া হয়। সেয়েহে GMCH ত এই চিকিৎসা পদ্ধতিৰ সূচনা হোৱাটোৱে ভৱিষ্যতে ৰাজ্যৰ ভিতৰতে উন্নত চিকিৎসা সেৱা প্ৰদানৰ সম্ভাৱনাক অধিক শক্তিশালী কৰিব বুলি আশা প্ৰকাশ কৰে ৰাজ্যৰ স্বাস্থ্যমন্ত্ৰীগৰাকীয়ে।
উল্লেখ্য যে, ১৬ ঘণ্টা ধৰি চলা এই অস্ত্ৰোপচাৰ সম্পন্ন কৰিবলৈ চিকিৎসক আৰু স্বাস্থ্যকৰ্মীৰ দলটোৱে দীৰ্ঘ সময় ধৰি কাম কৰিবলগীয়া হয়। ডাঃ চেনথিল কুমাৰৰ নেতৃত্বত সম্পন্ন হোৱা এই অস্ত্ৰোপচাৰৰ বিষয়ে স্বাস্থ্যমন্ত্ৰী অশোক সিংহলে সংবাদমেলত তথ্য প্ৰকাশ কৰে।
GMCHত প্ৰথমবাৰৰ বাবে লিভাৰ ট্ৰান্সপ্লাণ্ট সম্পন্ন হোৱাৰ এই ঘটনাই অসমৰ স্বাস্থ্যখণ্ডত নতুন সম্ভাৱনাৰ দুৱাৰ মুকলি কৰিছে।
