নিউজ ডেস্ক: মনৰ ইচ্ছা যদি দৃঢ় হয় আৰু লগ পোৱা মানুহজন যদি সৎ হয়, তেন্তে যিকোনো কঠিন লক্ষ্যত উপনীত হোৱাটো নিশ্চিত। তেলেংগানাৰ অৰুণ কুমাৰৰ ক্ষেত্ৰতো ঠিক তেনেকুৱাই ঘটিল। হাতত চাহৰ গিলাচ লৈ অৰুণে মন খুলি হাঁহি থকা এটা চুটি ভিডিঅ’ ছচিয়েল মিডিয়াত ভাইৰেল হোৱাৰ পাছত তেওঁৰ জীৱনৰ মোৰেই সলনি হৈ পৰিল। দৰিদ্ৰতাৰ বাবে চতুৰ্থ শ্ৰেণীতেই কলম এৰিবলগীয়া হোৱা এই ল’ৰাজনে আজি কেৱল এজন কন্টেন্ট ক্ৰিয়েটৰেই নহয়, বৰঞ্চ সফলতাৰে দশম শ্ৰেণীৰ পৰীক্ষাতো উত্তীৰ্ণ হৈছে।
অৰুণ কুমাৰৰ সংগ্ৰাম আৰু ভাগ্যৰ পৰিৱৰ্তন
অৰুণৰ জন্ম হৈছিল এক অতি দৰিদ্ৰ পৰিয়ালত। শৈশৱত যেতিয়া তেওঁৰ হাতত কিতাপ থাকিব লাগিছিল, সেই সময়ত পৰিস্থিতিয়ে তেওঁক ঘৰ চলোৱাৰ দায়িত্ব জাপি দিছিল। পৰিয়ালক সহায় কৰিবলৈ তেওঁ চতুৰ্থ শ্ৰেণীৰ পাছতেই বিদ্যালয় ত্যাগ কৰিছিল। যিটো হাতে এসময়ত পঢ়া-শুনা এৰি ট্ৰাকৰ ধূলি-বালি পৰিষ্কাৰ কৰিছিল, আজি সেই হাতেই যেন সফলতাৰ সোণালী চাবি লাভ কৰিছে।
ড্ৰাইভাৰ নেহৰুৰ বন্ধুত্ব আৰু অৰুণৰ যাত্ৰা
ট্ৰাকত কাম কৰি থকাৰ সময়তে অৰুণৰ চিনাকি হৈছিল ড্ৰাইভাৰ নেহৰুৰ সৈতে। নেহৰুৰ স্নেহ আৰু সহযোগিতা অৰুণৰ বাবে এক ডাঙৰ আশীৰ্বাদ হৈ পৰিল। তেওঁৰ উৎসাহতে অৰুণে পুনৰ পঢ়া-শুনা আৰম্ভ কৰাৰ সাহস পালে। আজি অৰুণ কেৱল নিজৰ বাবেই নহয়, বৰঞ্চ তেওঁৰ দৰে হাজাৰ হাজাৰ অভাৱী শিক্ষাৰ্থীৰ বাবে এক ডাঙৰ অনুপ্ৰেৰণা হৈ পৰিছে।
লগতে পঢ়ক: প্ৰাথমিক শিক্ষক সন্মিলনীৰ ব্যৱস্থাপনাত ” প্ৰজ্ঞান প্ৰতিভা সন্ধানী পৰীক্ষা
