Nazira Flood Victims: বানে ধোৱা নাজিৰাৰ বানাক্ৰান্তৰ জীৱন সংগ্ৰাম

শিৱসাগৰ: নাজিৰাৰ ইতিহাসৰ প্ৰথমটো ভয়ংকৰ বানে বিপৰ্য্যস্ত কৰিছে উজনি অসমৰ জনজীৱন। উজনি অসমৰ বান পৰিস্থিতি কিছু উন্নত হলেওঁ দুখ দুৰ্দশা আঁতৰা নাই বানাক্ৰান্তৰ। বানৰ পাছৰ কিছু কঠোৰ পৰিস্থিতিৰ সৈতে মোকাবিলা কৰিবলগীয়া হৈছে উজনি অসমৰ শিৱসাগৰৰ নাজিৰাৰ বানাক্ৰান্ত। নাজিৰাত বন্যাৰ্ত এতিয়াওঁ আশ্ৰয় আৰু অন্নৰ বাবে কৰিবলগীয়া হৈছে হাহাকাৰ। পেটত ভোক লৈ আজিও অস্থায়ী আশ্ৰয় শিবিৰত দিন কটাবলগীয়া হৈছে নাজিৰাৰ বানাক্ৰান্তই।

নাজিৰাৰ বন্যাৰ্তক খাদ্য - খোৱা পানী যোগানতো চৰম গাফিলতি কৰাৰ গুৰুতৰ অভিযোগ উত্থাপন হৈছে চৰকাৰ, প্ৰশাসনৰ বিৰূদ্ধে। হঠাৎ দিখৌ নদীয়ে সৃষ্টি কৰা জলপ্ৰলয়ত এতিয়া সৰ্বস্বান্ত হৈ পৰিছে নাজিৰাৰ জনতা। ঘৰৰ বয়-বস্তু, নথি-পত্ৰ সকলো জাহ গৈছে দিখৌ নদীৰ বাঢ়নী পানীত। 

বিগত দেওবাৰে সন্ধিয়া প্ৰায় ছয় বজাত হঠাৎ প্ৰৱাহিত হোৱা দিখৌ নদীৰ বাঢ়নী পানীয়ে প্ৰথমবাৰৰ বাবে সৃষ্টি কৰিলে জলপ্ৰলয় । ক্ষন্তেকৰ ভিতৰতে সমগ্ৰ নাজিৰা প্লাৱিত কৰি তোলে অভাৱনীয় বানে । এনে ভয়ংকৰ বিপদৰ সময়ত চৰকাৰী বিয়াগোম বিভাগ দূৰ্যোগ প্ৰশমন এক প্ৰকাৰে নিস্কন্তক হৈ পৰা বুলি অভিযোগ উত্থাপন কৰিছে বন্যাৰ্তই। 

শিৱসাগৰ জিলাৰ নাজিৰা সমজিলাৰ প্ৰশাসনেও বন্যান্তক পৰ্যাপ্ত পৰিমাণে যোগান দিব পৰা নাই খাদ্য বস্তুৰ লগতে খোৱাপানী । জনগণৰ ক্ষোধা নিৱাৰণত বিশেষ সঁহাৰি নাই প্ৰশাসনৰ তথা দূৰ্যোগ প্ৰশমন বিভাগৰ। বানপীড়িত জনগণৰ বয় - বস্তু, নথি - পত্ৰ আদি সমস্ত্ৰ দিখৌৰ বাঢ়নী পানীত জাহ গ'ল। এনে পৰিস্থিতিত জীয়াই থকাৰ তাগিদাত জনগণে থিতাপি ল'ব লগা হৈছে দিখৌ নদীৰ মথাউৰি  , নামঘৰ , মন্দিৰ , মছজিদ, ক্লাৱ ঘৰ আদিত । এই দূৰ্ভগীয়া বানাক্ৰান্ত ৰাইজক সহায়ৰ হাত  আগবঢ়োৱা নাই বুলিও অভিযোগ উত্থাপন কৰিছে বানাক্ৰান্তই। এনে ক্ষেত্ৰত বানাক্ৰান্তই ক্ষোভ উজাৰিছে প্ৰশাসনৰ বিৰুদ্ধে।