নগাঁও: নিৰ্বাচনৰ সময়ত ৰাইজক দিয়া প্ৰতিশ্ৰুতি পালন কৰি পুনৰ চামগুৰিত উপস্থিত হ'ল মুখ্যমন্ত্ৰী ডঃ হিমন্ত বিশ্ব শৰ্মা। নিৰ্বাচনী প্ৰচাৰৰ সময়ত দিয়া কথা অনুসৰিয়েই দেওবাৰে নগাঁও লোকসভা সমষ্টিৰ অন্তৰ্গত চামগুৰি বিধানসভা সমষ্টিৰ ৰূপহীহাটত বিজয়োৎসৱ পালন কৰি ভোটাৰ ৰাইজক ধন্যবাদ জ্ঞাপন কৰে মুখ্যমন্ত্ৰীগৰাকীয়ে। নিৰ্বাচনত বিজেপিৰ জয়লাভৰ পাছত পুনৰ চামগুৰিলৈ আহি ৰাইজৰ সৈতে বিজয়ৰ আনন্দ উদযাপন কৰাৰ যি প্ৰতিশ্ৰুতি দিছিল, সেই প্ৰতিশ্ৰুতি পূৰণ কৰিয়েই দেওবাৰে চামগুৰি সমষ্টিৰ ৰূপহীহাটত উপস্থিত হয় ডঃ হিমন্ত বিশ্ব শৰ্মা।
উল্লেখ্য যে, নগাঁও লোকসভা সমষ্টিৰ উপ-নিৰ্বাচনৰ সময়ত চামগুৰিত নিৰ্বাচনী প্ৰচাৰ চলাবলৈ আহি মুখ্যমন্ত্ৰী ডঃ হিমন্ত বিশ্ব শৰ্মাই বিজেপি প্ৰাৰ্থীৰ জয়লাভ হ'লে পুনৰ সমষ্টিলৈ আহি ৰাইজৰ সৈতে বিজয়োৎসৱ পালন কৰাৰ প্ৰতিশ্ৰুতি প্ৰদান কৰিছিল। নিৰ্বাচনত বিজেপিৰ বিজয়ৰ পাছত সেই প্ৰতিশ্ৰুতি বাস্তৱায়িত কৰাৰ উদ্দেশ্যেৰে পুনৰ চামগুৰিত উপস্থিত হোৱা মুখ্যমন্ত্ৰীগৰাকীৰ এই কাৰ্যসূচীক লৈ দলীয় নেতা-কৰ্মীসকলৰ মাজত বিশেষ উৎসাহ-উদ্দীপনা পৰিলক্ষিত হয়।
বিজয়োৎসৱৰ কাৰ্যসূচীত অংশগ্ৰহণ কৰি মুখ্যমন্ত্ৰীগৰাকীয়ে নিৰ্বাচনত বিজেপিক সমৰ্থন আৰু আশীৰ্বাদ প্ৰদান কৰা চামগুৰিৰ ভোটাৰ ৰাইজৰ প্ৰতি কৃতজ্ঞতা প্ৰকাশ কৰে। ৰাইজৰ মৰম, বিশ্বাস আৰু সহযোগিতাৰ বাবেই এই বিজয় সম্ভৱ হোৱা বুলি উল্লেখ কৰি আগন্তুক দিনত সমষ্টিটোৰ উন্নয়নৰ ধাৰা অধিক ত্বৰান্বিত কৰাৰ আশ্বাস প্ৰদান কৰে।
ইফালে, চামগুৰি সমষ্টিৰ উন্নয়নক লৈ এক গুৰুত্বপূৰ্ণ ৰাজহুৱা ঘোষণা কৰে মুখ্যমন্ত্ৰীগৰাকীয়ে। সমষ্টিটোৰ উন্নয়নৰ কাম-কাজৰ দায়িত্ব সাংসদ দেৱাশীষ শৰ্মাৰ লগতে স্থানীয় বিধায়ক জিতু গোস্বামীয়ে আগবঢ়াই নিব বুলি স্পষ্ট কৰি দিয়ে তেওঁ। অৰ্থাৎ চামগুৰিৰ উন্নয়নৰ ক্ষেত্ৰত সাংসদ আৰু বিধায়কে সমন্বয়ৰে কাম কৰি সমষ্টিটোৰ সামগ্ৰিক উন্নয়নত গুৰুত্ব দিব বুলি ৰাইজৰ সন্মুখত ঘোষণা কৰে মুখ্যমন্ত্ৰীয়ে।
ৰাজনৈতিকভাৱেও যথেষ্ট তাৎপৰ্য বহন কৰিছে মুখ্যমন্ত্ৰীৰ এই বিজয়োৎসৱ কাৰ্যসূচীয়ে। বিশেষকৈ উপ-নিৰ্বাচনত বিজেপিয়ে লাভ কৰা সফলতাক আগন্তুক ৰাজনৈতিক যুঁজৰ বাবে এক ইতিবাচক ইংগিত হিচাপে দাঙি ধৰিবলৈ চেষ্টা কৰে মুখ্যমন্ত্ৰীগৰাকীয়ে। বিজয়োৎসৱৰ মঞ্চৰ পৰাই আগন্তুক বিধানসভা নিৰ্বাচনক লৈ আত্মবিশ্বাসী মন্তব্য কৰি অসমৰ ১২৬খন বিধানসভা আসনতে বিজেপিয়ে জয়লাভ কৰিব বুলি দাবী কৰে ডঃ হিমন্ত বিশ্ব শৰ্মাই।
সামগ্ৰিকভাৱে, নিৰ্বাচনৰ পূৰ্বে দিয়া প্ৰতিশ্ৰুতি অনুসৰি পুনৰ চামগুৰিত উপস্থিত হৈ বিজয়োৎসৱ পালন কৰাটো মুখ্যমন্ত্ৰী ডঃ হিমন্ত বিশ্ব শৰ্মাৰ বাবে কেৱল এক ধন্যবাদ জ্ঞাপনৰ কাৰ্যসূচীয়েই নহয়, বৰঞ্চ চামগুৰিৰ ৰাজনৈতিক সমীকৰণ আৰু আগন্তুক নিৰ্বাচনী প্ৰস্তুতিৰ বাবেও এক তাৎপৰ্যপূৰ্ণ পদক্ষেপ হিচাপে বিবেচিত হৈছে।
ইপিনে, চামগুৰিৰ বিজয়োৎসৱত অংশগ্ৰহন কৰি মাদ্ৰাছাৰ ছাত্ৰকো সাক্ষাৎ কৰাত উৎফু্লিত হৈ পৰে মাদ্ৰাছাৰ ছাত্ৰসকল।
