ডেৰাডুন: ৪৭ সংখ্যক All India Public Relations Conference 2025-ত সফলতাৰ মূল সূত্ৰ হিচাপে আচৰণ, জ্ঞান আৰু দক্ষতাৰ ওপৰত গুৰুত্ব আৰোপ কৰে এইমছ গুৱাহাটীৰ সভাপতি পদ্মশ্ৰী ডঃ বি কে এছ সঞ্জয়ে।
‘জনসেৱাৰ বাবে জনসংযোগ অতি প্ৰয়োজনীয়।’—এই মন্তব্য এইমছ গুৱাহাটীৰ সভাপতি পদ্মশ্ৰী ডঃ বি কে এছ সঞ্জয়ৰ। ডেৰাডুনৰ এমাৰ্লড গোল্ডত অনুষ্ঠিত ৪৭ সংখ্যক সৰ্বভাৰতীয় জনসংযোগ সন্মিলনত ভাষণ দি তেওঁ লগতে কয় যে অৰ্থপূৰ্ণ জনসেৱা সমাজৰ সৈতে আস্থা, স্বচ্ছতা আৰু সক্ৰিয়তাৰে জড়িত হয় (Public Relations in Governance)। এটা উন্নত জাতি গঢ়ি তোলাৰ বাবে সকলো সমাজৰ প্ৰত্যেকজন ব্যক্তিয়ে পাৰস্পৰিক বুজাবুজিৰে অংশগ্ৰহণ কৰা প্ৰয়োজন বুলি তেওঁ উল্লেখ কৰে।
গিনিজ ৱৰ্ল্ড ৰেকৰ্ডধাৰী ডঃ সঞ্জয়ে আয়োজকসকলক বিশেষকৈ ডঃ অজিত পাঠক, ইউ এছ শৰ্মা আৰু সিদ্ধাৰ্থ বাঞ্চালক এই সন্মিলনত অংশগ্ৰহণৰ সুবিধা প্ৰদানৰ বাবে কৃতজ্ঞতা জনায় (All India Public Relations Association)। উল্লেখযোগ্য যে সন্মিলনখন উত্তৰাখণ্ড বিধানসভাৰ অধ্যক্ষ মাননীয় ঋতু খান্দুৰী, উত্তৰাখণ্ডৰ প্ৰাক্তন মুখ্যমন্ত্ৰী তথা প্ৰাক্তন কেন্দ্ৰীয় শিক্ষামন্ত্ৰী ডঃ ৰমেশ পোখৰিয়াল ‘নিশাংক’, সন্দীপ গুপ্তা, এম ডি গেইল, উত্তৰাখণ্ডৰ মুখ্যমন্ত্ৰীৰ সচিব বংশীধৰ তিৱাৰী আৰু সৰ্বভাৰতীয় জনসংযোগ সন্থাৰ সভাপতি ডঃ অজিত পাঠককে ধৰি দেশৰ বিভিন্ন প্ৰান্তৰ পৰা প্ৰায় ৩০০ জন প্ৰতিনিধিয়ে সমৃদ্ধ কৰে।
ডঃ সঞ্জয়ে সন্মিলনত কয় যে সফলতাৰ বাবে প্ৰয়োজনীয় তিনিটা বিশেষ বিষয় হৈছে আচৰণ, জ্ঞান আৰু দক্ষতা (Behaviour Knowledge Skill Model)। তেওঁ এই তিনিটা বিষয়ক ‘বি কে এছ’ বুলি উল্লেখ কৰি আৰম্ভণিৰ আখৰবোৰ মনত ৰাখিবলৈ আহ্বান জনায়। তেওঁ ব্যাখ্যা কৰি কয়—
বি মানে বিহেভিয়াৰ অৰ্থাৎ আচৰণ,
কে মানে নলেজ অৰ্থাৎ জ্ঞান,
এচ মানে স্কীল অৰ্থাৎ দক্ষতা।
তেওঁ ফলপ্ৰসূ জনসংযোগৰ বাবে পথ প্ৰদৰ্শক নীতি হিচাপে ত্ৰিমাত্ৰিক পদ্ধতি—নথিপত্ৰ, প্ৰদৰ্শন আৰু প্ৰচাৰৰ বিষয়েও বাখ্যা কৰে। তেওঁ কয় যে নথিপত্ৰই সঠিকতা নিশ্চিত কৰে, প্ৰদৰ্শনে বুজাবুজি বৃদ্ধি কৰে আৰু প্ৰচাৰে সঠিক দৰ্শকৰ ওচৰলৈ তথ্য পৌঁছায়। এই ‘থ্ৰী-ডি’ পদ্ধতিয়ে তথ্যক প্ৰভাৱলৈ ৰূপান্তৰিত কৰে, বিশ্বাস গঢ়ি তোলে আৰু অংশীদাৰসকলৰ সৈতে অৰ্থপূৰ্ণ সংযোগ স্থাপন কৰে।
শেষত ডঃ সঞ্জয়ে কয় যে সকলো বৃত্তিতে গাঁথনিগত, স্বচ্ছ আৰু নিয়োজিত জনসংযোগৰ প্ৰয়োজন দিনক দিনে বৃদ্ধি পাইছে (AIIMS Guwahati)।
লগতে পঢ়ক: বিজয় দিৱসত ভাৰতীয় সেনাৰ প্ৰতি কৃতজ্ঞতা ৰাষ্ট্ৰপতি, প্ৰধানমন্ত্ৰীৰ – Vijay Diwas
